Глобал исиш туфайли денгиз сатҳининг кўтарилиши билан ер юзидаги кўплаб шаҳарлар сув остида қолади. National Geographic’нинг хабар беришича, даниялик архитектор Byarke Ingels Oceanix компанияси билан ҳамкорликда табиий офатлардан сақланиш имконини берувчи сузувчи шаҳар концепциясини яратди.
Шаҳар ҳар бирида 300 киши яшаши қулай бўлган бир неча платформалардан таркиб топган. Олти бурчакли шакл эстетик кўриниши, механик таъсирларга чидамлилиги ва минимал миқдорда материал сарфлаш мумкинлигига кўра танланган. Модуллар бир-бири билан боғланиб, шаҳар кварталини ташкил этиши мумкин.
Хабарда айтилишича, умумий ҳисобда 2,5 миллион аҳолига мўлжалланган сузиб юрувчи «қор парчаси» — архипелаг ҳосил бўлади.
Шаҳарлар чиқиндиларсиз бўлиб, улар 100 фоиз қайта ишланади. Асосий транспорт воситаси велосипед бўлади. Энергия эса қайта тикланадиган манбалардан олинади. Ҳар бир оролнинг тахминан 300 квадрат метри қишлоқ хўжалиги учун ажратилади.
Лойиҳа БМТ йиғилишида тақдим этилган ва маъқулланган.
Изоҳ (0)