Ўзбекистонликлар Google’нинг 3 минг доллар тўланадиган стажировкасида қатнашиши мумкин

Google Summer of Code стажировкасига аризалар қабул қилинмоқда, деб хабар беради Spot.

Стажировкада дунё бўйлаб (АҚШ эмбаргони қўллаган мамлакатлардан ташқари) 18 ёшдан ошган талабалар иштирок этиши мумкин. Номзод аккредитациядан ўтган Олий ўқув юртида бакалавр, магистр ёки аспирантура дастурига киритилиши ва уч ойлик дастур мобайнида ўз мамлакатида ишлаш имкониятига эга бўлиши керак.

Талабалар Google томонидан танланган дастурчи компаниялар лойиҳалари устида ишлайди. Иштирок этиш учун лойиҳани танлаб, ариза бериш керак. Кейин компания стажёрни танлайди. Стажёрлар мураббий раҳбарлигида ишлайди.

Стажёр лойиҳани муваффақиятли тамомласа, моддий мукофотга (стипендияга) эга бўлади. Стипендиялар ишнинг ҳар бир босқичи тугагандан сўнг уч қисмда тўланади:

• июнь ойининг охири — 30%;
• июль ойининг охири — 30%;
• август ойининг охири — 40%.

Аризалар 9 апрелга қадар қабул қилинади. Ҳавола орқали шартлар билан батафсил танишиш ва ариза топшириш мумкин.