2018 йилда Ўзбекистон ва Туркманистон ўртасидаги товар айланмаси ҳажми 302 миллион доллардан ошиб, ўтган йилга нисбатан деярли 70 фоизга кўпайди, деб хабар берди Ташқи ишлар вазирлиги матбуот хизмати.
Бу ҳақда 4 апрель куни Москвада МДҲга аъзо давлатлар Ташқи ишлар вазирлари кенгаши йиғилишида маълум қилинган.
Унда Ўзбекистон Ташқи ишлар вазири Абдулазиз Комилов Туркманистон Вазирлар Маҳкамаси раиси ўринбосари, Ташқи ишлар вазири Рашид Мередов билан учрашган. Томонлар турли соҳалардаги икки томонлама муносабатларнинг долзарб масалаларини муҳокама қилган.
Изоҳ (0)