Ўзбекистонда 1 июндан ўғирланганлик ёки йўқотганлик сабабили «қора рўйхат»га кириб қолган қурилмаларни ишлатишнинг имкони бўлмайди. Бу ҳақда Ахборот технологиялари ва коммуникацияларни ривожлантириш вазирлиги томонидан ўтказилган матбуот анжуманида маълум бўлди, деб хабар беради «Дарё» мухбири.
«Қора рўйхат»га киритилган мобил қурилмага янги сим-карта ўрнатилганда, ўғирланган ёки йўқотилганлиги ва эгасига қайтариш лозимлиги ҳақида хабар келади.
«Телефон сотиб олишдан аввал қурилма IMEI-коди мақомини тўғрилигини – uzimei.uz сайтидан ёки 1170 қисқа рақами орқали текшириб текшириб олиш тавсия этилади. Буни исталган мамлакатдан туриб ҳам амалга ошириш мумкин. ‘Қора рўйхатъга киритилган қурилмалар мамлакатимиз ҳудудида ва GSMA’га аъзо компаниялар тармоқларида ишлатиб бўлмайди», — дейди Ўзбекистон телекоммуникация тармоқларини бошқариш республика маркази бўлим бошлиғи Шавкат Ғиёсев.Маълумот учун, ҳозирги пайтда GSMA базасига 43 мамлакатнинг 118 та мобил оператори уланган. Бельгия, Чили, Коста-Рика, Кипр, Дания, Финляндия, Франция, Германия, Гана, Венгрия, Ирландия, Италия, Мальта, Норвегия, Португалия, ЖАР, Швеция, Буюк Британия, Венесуэла шулар жумласидандир.
Изоҳ (0)