Испания қироли ва қироличаси Аргентинада бир соат самолёт бортида қолиб кетди

24 март куни Испания қироли Фелипе VI ва унинг турмуш ўртоғи қиролича Летисия Аргентина шаҳрига учиб келган, дея хабар беради «Meduza».

Уларнинг Airbus 310 авиалайнери Буэнос-Айрес марказидаги Хорхе Ньюбери аэропортига қўнган. У ерда қироллик оиласини Аргентина ва Испаниянинг ташқи ишлар вазирлари бошчилигидаги расмий делегация кутаётган эди.

Аммо Фелипе VI ва Летисия самолётдан чиқолмаган — уларга берилган трап жуда паст паст бўлган! Масалани ҳал қилиш бир соат вақтни олган. Авваллари қироллик оиласининг самолёти Буэнос-Айресдаги баландроқ трапи бўлган бошқа аэропортга жўнатилиши режалаштирилган. Кейинроқ эса Хорхе Ньюбери аэропортида ҳам мос трап борлиги, у Аргентина президенти Маурисио Макри учун ишлатилиши маълум бўлган.

Муаммо шундаки, нарвон бармоқ изида очиладиган қулфланган ангарда бўлган. Уни очадиган одамни топиш осон бўлмаган. Натижада, ангар очилиб, Фелипе VI ва Летисия ерга тушган.