Ҳукумат қарори билан Қорақалпоғистон Республикаси Вазирлар Кенгашининг Мўйноқ туманини ривожлантириш жамғармаси фаолиятини ташкил этиш ва маблағларидан фойдаланиш тартиби тўғрисидаги низом тасдиқланди. Бу ҳақда «Ҳуқуқий ахборот» канали маълум қилди.
Низомга мувофиқ Жамғарма маблағлари қуйидагиларга сарфланади:
Мўйноқ тумани инфратузилмасини яхшилашга, қишлоқларни ободонлаштириш ва кўкаламзорлаштириш ҳамда ички йўлларни таъмирлаш;
туман уй-жой фондининг кўп квартирали уйларидаги умумий фойдаланиладиган муҳандислик коммуникацияларини таъмирлашга, уйларга ёндош ҳудудларни ободонлаштириш;
маҳаллалар ҳудудида кутубхоналар ташкил этишга ва уларни бадиий адабиётлар билан таъминлаш;
кам таъминланган ва ёш оилаларга имтиёзли кредитлар олинишида бошланғич бадални қисман ёки тўлиқ қоплашга ҳамда маиший техника воситаларига бўлган бирламчи эҳтиёжни қондириш;
қишлоқ ва чекка ҳудудларда жойлашган таълим ва тиббиёт муассасаларида ишлаш учун юборилган ходимларни хизмат жойлари билан таъминлашга.
Жамғарма кузатув кенгаши жамғарма фаолиятининг асосий йўналишларини белгилайди ва маблағларнинг мақсадли йўналтирилганлигини назорат қилади.
Изоҳ (0)