Шимолий Корея расмийлари фуқаролар учун кунлик озиқ-овқат паёк миқдорини 576 граммдан 300 граммгача камайтирди. Бу ҳақда Tengrinews хабар бермоқда.
Бунга тошқинлар ва қурғоқчилик оқибатида 2018 йилда кузатилган рекорд даражадаги ҳосилсизлик туфайли юзага келган фавқулодда вазият сабаб сифатида кўрсатилмоқда.
Паёк дон-дун, маккажўхори ва картошкадан иборат. Болалар, аёллар ва қариялар мазкур чекловдан озод қилинган. Шунингдек, қўшимча озиқ-овқатга эҳтиёжи бор ва молиявий имконияти бўлганлар бозорлардан бошқа маҳсулотларни харид қилиши мумкин.
Экспертларга кўра, халқаро санкциялар туфайли КХДР қишлоқ хўжалиги техникаси, хом ашё ва ўғитлар сотиб олишда қийинчиликларга дуч келмоқда.
Изоҳ (0)