«AirVisual» ҳаво сифати мониторинги билан шуғулланувчи халқаро ташкилот 2018 йилда энг ифлос ҳавога эга мамлакатлар рўйхатини эълон қилди, дея хабар беради «Подробно».
Ўзбекистон рейтингда 16-ўринда. Таққослаш учун Қозоғистон 20-ўрин, Украина-49, Россия 58-ўринни эгаллаган. Ўзбекистон ва Қозоғистондан ташқари Марказий Осиё мамлакатлари рейтингга киритилмаган.
Қизиғи шундаки, Ўзбекистон рейтингда сариқ ранг билан белгиланган мамлакатлар рейтингига бошчилик қилган. «AirVisual» критериясига кўра, бу ҳавода ифлослантирувчи моддаларнинг концентрацияси мақбуллигини англатади, лекин ифлосланишга сезгир бўлган одамлар ўзларининг соғлиғига ғамхўрлик қилиши керак дегани.
Дунёдаги энг ёмон кўрсаткич Бангладешда қайд этилган. Кейин эса Покистон, Ҳиндистон ва Жанубий Осиёдаги бошқа давлатлар бор.
Рейтинг муаллифлари ҳар йили ҳавонинг ифлосланиши камида 7 миллион одам нобуд бўлишига, шунингдек жаҳон иқтисодиётига йилига 225 миллиард доллар зарар этказишига сабаб бўлишини қайд этган.
Изоҳ (0)