25 февралдан 3 мартгача бўлган давр мобайнида онлайн аукцион орқали 764 та автомобиль рақамлари сотилди. Бу ҳақда Товар хом ашё биржаси маълумотларида келтирилган, деб ёзади Spot.
Сотилган давлат рақам белгиларининг умумий суммаси деярли 3,2 миллиард сўмни ташкил қилди.
Рақобатли савдолар натижасида битимларнинг қарийб 20 фоизи биринчи тоифадаги авторақамларга, 48% иккинчи ва 32% учинчи тоифа авторақамларга тегишли.
Харидорлар таркибида етакчиликни Тошкент ва Тошкент вилояти авто ҳаваскорлари эгаллади ва уларнинг тузилган битимлар сонидаги улуши 24% га тенг. Иккинчи ўринда Самарқанд вилоятининг авто ҳаваскорлари 12% улуш билан жойлашди.
Кейинги ўрин Бухоро ва Фарғона вилоятларининг авто ҳаваскорларига тегишли бўлиб, ҳар бирининг улуши 10% ни ташкил қилди. Қолган ҳудудларнинг улуши 44% га тенг.
Изоҳ (0)