Курд жангчилари Сурия шарқидаги Ал-Багуз аҳоли пунктида ИШИД жангарилари ўлдирилган ўнлаб аёллар жасадини топди. Бу ҳақда «Корреспондент.net» хабар бермоқда.
«Сурия демократик кучлари» тузилмалари қўмондони Аднан Афринга кўра, қурбонларнинг аксарияти курд тилида гаплашувчи диний-этник гуруҳ—язидларга мансуб. Улар ИШИД 2014 йилда Ироқ шимоли-ғарбидаги Синжар туманига ҳужум қилган вақтда асир олинганди.
23 февраль куни Daily Mail нашри Британия ҳарбий хизматчилари Ал-Багуздаги траншеялардан бирида 50 нафар язид аёли жасадига дуч келганини билдирганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)