Жаҳон банки дунё бўйлаб 187 мамлакатда аёллар ҳуқуқларининг ҳолатини ўрганиб, «Аёллар, бизнес ва ҳуқуқ» тадқиқотини эълон қилди, дея хабар беради «Газета.uz».
Тадқиқотни тайёрлаш учун мутахассислар сўнгги ўн йил ичидаги мамлакатларнинг қонунчилик базасини баҳолади. Баҳолашда ҳаракат эркинлиги, иш билан таъминланиш, иш ҳақи, никоҳ ва фарзандларнинг мавжудлиги, ўз бизнесини юритиш, активларни бошқариш ва пенсия нафақалари каби кўрсаткичлар қўлланилган.
Ўзбекистон МДҲ мамлакатлари орасида гендер тенглиги нуқтайи назаридан 100 баллдан 70,6 балл тўплаган.
Худди шу кўрсаткичлар Гватемала ва бир поғона паст ўрин билан Конгода (70 балл) ҳам қайд этилган.
Марказий Осиё мамлакатлари орасида Тожикистон энг кўп балл тўплади — 81,8, ундан сўнг Қирғизистон — 76,8, Қозоғистон — 75,6. Туркманистон рейтингга киритилмаган.
Рейтингнинг энг юқори поғонасида олтита мамлакат: Бельгия, Дания, Франция, Латвия, Люксембург ва Швеция.
Улар 100 баллик миқёсда максимал кўрсаткичга эришган. Сурия (34,3 балл), Қатар (32,5), Эрон (31,2), Судан,
Бирлашган Араб Амирликлари (29,3) ва Саудия Арабистони (25,6) балл билан рўйхатга якун ясаган.
Тадқиқотда мамлакатдаги гендер тенглиги даражаси ва унинг иқтисодий ривожланиш даражаси ўртасидаги боғлиқлик қайд этилган.
Шундай қилиб, 90 ва ундан юқори балл тўплаган 39 мамлакатдан 26 таси юқори даромадли мамлакатлардир.
Изоҳ (0)