Хоразм вилояти ИИБ Хавфсиз туризмни таъминлаш бошқармасига Sigway ва скутер ҳаракат воситалари ажратилди. Бу ҳақда бошқарма вакили маълум қилди, дея хабар беради Sputnik.
Бошқармага асосан хорижий тилларни биладиган йигит-қизлар жамланган бўлиб, уларда фуқаролар ва сайёҳлар билан мулоқот қилиш кўникмалари тўлиқ шакллантирилган.
«Ичан қалъа» музей-қўриқхонаси ҳудудида ўрнатилган бошқарма кўчма пункти нафақат ходимларнинг қулай шароитда хизмат олиб боришлари, шу билан бирга, сайёҳларнинг ички ишлар органларига мурожаат қилишлари учун ҳам қулайлик яратмоқда.
Бошқарма таркибида хизмат олиб борувчи ходимларнинг алоҳида ажратиб турувчи белги (атрибутика)га эга эканликлари уларни тезда таниб олиш имконини беради.
Маълум бўлишича, мазкур бошқарма фаолияти йўлга қўйилганидан бери хорижий сайёҳларга нисбатан ҳуқуқбузарлик ёки жиноят содир этиш ҳолатларига йўл қўйилмаган.
Изоҳ (0)