26 февраль куни соат 17:45 да Тошкент шаҳар ИИББ ЁХБ Куч ва воситаларни бошқариш ва мувофиқлаштириш марказига Сергели тумани, Хонобод кўчасида жойлашган «Grand Roud Tashkent» МЧЖга қарашли капитал таъмирланаётган асфальт ва темир-бетон маҳсулотларини ишлаб чиқариш биносида ёнғин содир бўлаётганлиги тўғрисида хабар келиб тушди. Бу ҳақда «Халқ сўзи» хабар берди.
Хабар асосида зудликда кўрсатилган манзилга соат 17:46 да 6 та асосий ёнғин ўчириш экипажи ва 1 та автонарвон юборилди. Бўлинмалар соат 17:54 да воқеа жойига етиб келиб, ёнғин соат 18:34 да қуршаб олинган ва соат 18:41 да тўлиқ бартараф этилган.
Кўрилган тезкор ҳаракатлар натижасида ёнғин кенг майдонга тарқалиб кетиши олди олинди. Ҳалок бўлган ва тан жароҳати олганлар йўқ.
Ёнғин оқибатида асфальт ва темир-бетон маҳсулотларини ишлаб чиқариш биносининг 600 квадрат метр майдонда том қисми ёниб зарарланган. Ёнғиндан бино томининг 1740 квадрат метр майдони сақлаб қолинган.
Ҳодисанинг тахминий сабаби электр пайвандлаш ишларини олиб боришда ёнғин хавфсизлиги талабларининг бузилишидир. Моддий зарар миқдори аниқланмоқда.
Изоҳ (0)