Вилоят ҳокими Эркинжон Турдимов томонидан тасдиқланган чора-тадбирлар режасига кўра Самарқанд шаҳридаги маҳалла фуқаролар йиғинлари фаолияти танқидий ўрганилди. Бу ҳақда «Zarnews» хабар берди.
Шаҳардаги 18 та маҳаллада фуқаролар йиғинлари ўз биносига эга бўлмагани боис уларда фаолият юритиш учун шароит йўқ. 16 та маҳалла биноси таъмирталаб.
30 дан зиёд маҳаллада мебел жиҳозлари етишмайди, компьютер жамланмалари эскирган ёки яроқсиз ҳолга келиб қолган. Зарур шарт-шароит яратилмагани сабабли маҳаллаларда муаммолар йилдан йилга ортиб бормоқда.
Назорат камлиги, аҳоли ўртасида умумпрофилактик тадбирлар ўтказилмаётганлиги сабаб ҳудудларда жиноятчилик ва ҳуқуқбузарликлар кўпайган. Хусусан, 36 (17,3 фоиз) маҳаллада жиноятлар 2017 йилга нисбатан ошган. Ҳатто маҳалла раисларининг ўзи жиноятга қўл урмоқда. Масалан, Али Қушчи маҳалласининг собиқ раиси ўз мансаб ваколатини суиистеъмол қилиб, Беруний кўчасида яшаган марҳум А.Петровга тегишли хонадонни номига расмийлаштириб олган.
Шунингдек, МФЙ ходимлари, айниқса, масъул котиб ва маҳалла посбонлари орасида қўнимсизлик, бир йил ҳам ишламасдан вазифасидан кетиш ҳолатлари кўп учраяпти. Айни пайтда шаҳарда 11 та маҳалла раиси, 3 та масъул котиб, 27 та маҳалла посбони вазифаси вакант бўлиб турибди.
Изоҳ (0)