Тошкент металлургия заводи 2019 йилнинг декабрь ойида совуқ чигириш (холодный прокат) йўли билан биринчи партия металл маҳсулотни ишлаб чиқаради. Бу ҳақда Sputnik хабар бермоқда.
Заводнинг умумий қиймати 286 миллион еврони ташкил қилади.
«Заводнинг асосий биноси қуриб битказилган. Айни дамда заводни сув, газ, азот, водород ва сиқилган газ билан таъминловчи қўшимча объектларнинг қурилиш ишлари олиб борилмоқда ҳамда асбоб-ускуналар етказиб берувчи ташкилотлар танланмоқда», — деди заводнинг техник директори Валерий Осин.
Осиннинг маълум қилишича, асосий ускуналар Италиянинг Danieli компанияси томонидан етказиб берилади. Завод икки йил ичида тўлиқ қувват билан ишлай бошлайди.
Металлургия заводининг ишлаб чиқариш қуввати йилига 500 минг тоннани ташкил қилади. У биринчи навбатда Ўзбекистон эҳтиёжларини қондиришга мўлжалланган. Тайёр маҳсулотнинг 20 фоизи экспорт учун мўлжалланган.
Изоҳ (0)