NASA Марснинг 360 даражали панорама суратини намойиш қилди (видео)

Curiosity марсоходи Вера Рубин тизимида 122 та фотосурат олди — фотосуратлардан катта панорама яратилди, дея хабар беради «Hi-tech.mail.ru».

Curiosity марсоходи Вера Рубин тизимида 2017 йилдан буён ишлаган. Сўнгра қурилма ушбу нуқтани тарк этган ва жанубга қараб Марснинг лойли юзасини ўрганиш учун ҳаракатлана бошлаган. NASA аппаратининг узоқ муддатли фаолиятини хотирага муҳрлаш натижасида 122 та суратдан иборат панорама йиғилган.

Суратлар марсоходнинг чап «кўзи» Mastcam камераси ёрдамида олинган. Кейин қурилма тасвирларни Ерга узатган. Curiosity’дан олинган ҳақиқий суратлар рангсиз ва кам маълумотни ўз ичига олгани сабабли NASA уларни аниқроқ қилиш учун бўяб чиққан.

Панорамани YouTube’да кўришингиз мумкин — у ерда камерани сичқонча билан айлантириш ёки телефонни гироскоп ёрдамида кўчириш мумкин.