31.01.2019, 23:22

Чикаго тарихидаги энг совуқ кун қайд этилди (фото ва видео)

Январь ойининг охирида АҚШ ғарбининг марказий қисмига аномал совуқ ҳаво ёпирилди. Совуқдан энг кўп Чикаго шаҳри жабрланди. 30 январь куни Чикаго тарихидаги иккинчи энг совуқ кун кузатилди. Ҳаво ҳарорати -30 даража совуққача тушган. 150 йиллик кузатувлар давомида фақат 1985 йилда шундай совуқ қайд этилган. Бу ҳақда TJournal хабар берди.

Ҳавонинг -30 даража совуқлиги жуда паст кўринмаслиги мумкин, бироқ АҚШдаги ҳолатни қутб шамоллари мураккаблаштирган. Одатда Шимолий қутбда ҳосил бўладиган шамоллар сабабли Чикагода ҳавонинг совуқлиги -40 дан -53 даража совуққача сезилган.

Совуқ сабабли шаҳар жойлашган Иллинойс штатида мактаблар ва бошқа муассасалар ёпилган. Аэропортларда ўнлаб рейслар кечиккан ёки бекор қилинган, аҳолидан эса зарурат бўлмаган шароитда кўчага чиқмаслик сўралган. Шунингдек, совуқда жуда чуқур нафас олмаслик ҳам тавсия қилинган.

Поездлар қатновини таъминлаш учун ишчилар темир йўл кесишмаларида олов ёққан.

https://twitter.com/CNN/status/1090823035131781126