Американинг хусусий инвестициялар корпорацияси 2018 йилда Ўзбекистонга қайтди, дея хабар беради «Spot».
OPIC Жиззах шаҳридаги интенсив боғ ва замонавий иссиқхонани яратиш лойиҳасини молиялаштиради. У 180 гектар майдонда олма, бодом, ширин гилос дарахтларини экишни, шунингдек замонавий, юқори сифатли иссиқхоналарни қуриш ҳамда жаҳонга машҳур етакчи ишлаб чиқарувчиларнинг совутиш ва қуритиш ускуналарни ўрнатишни кўзда тутади.
«Яратилган ишлаб чиқариш қувватлари қишлоқ хўжалиги маҳсулотларини етиштириш, уларни қайта ишлаш ва Ўзбекистоннинг қўшни давлатлари, шунингдек, Россия учун экспорт қилиш имконини беради», — дейилади хабарда.
Лойиҳанинг ишга туширилиши 2019 йилнинг март ойига мўлжалланган бўлиб, ишлаб чиқариш 2021 йилгача тўлиқ қувватга етказилади. Лойиҳанинг умумий қиймати 21 миллион АҚШ долларга тенг. 150 тагача иш ўринларини ташкил этиш режалаштирилган, уларнинг ярми аёлларники бўлади.
Бу OPIC 2018 йилда мамлакатга қайтиб келганидан бери компания томонидан молиялаштириладиган илк лойиҳа бўлади. Ҳозирда OPIC билан ҳамкорликда меҳмонхона бизнеси, хусусий тиббий хизмат кўрсатиш, шунингде қишлоқ хўжалигида қатор бошқа сармоявий лойиҳалар ишлаб чиқилмоқда.
OPIC — АҚШ ҳукумати қошидаги агентлик бўлиб, у ривожланаётган бозорларда Америка бизнесини қўллаб-қувватлаш билан шуғулланади. OPIC Ўзбекистонда 1992 йилда иш бошлаган ва Америка банкларидан қарийб 230 миллион АҚШ доллари миқдорида кредит жалб қилган. 2000 йилларнинг бошларида ҳамкорлик бир қатор сабабларга кўра тўхтатилган.
Изоҳ (0)