Туризмни ривожлантириш давлат қўмитаси томонидан ўтказилган матбуот анжуманида «Ипак йўли» Халқаро университетининг таълим ва тарбия бўйича проректори Баҳодир Тўраев университет 2019—2020-ўқув йилида умумий ҳисобда 400 нафар талаба қабул қилишини айтди. Бу ҳақда «Дарё»га журналист Виктория Абдураҳмонова маълум қилди.
Талабаларнинг 300 нафари кундузги ва 100 нафари сиртқи таълимга қабул қилинган. Шунингдек, бешта йўналишда магистратура босқичини очиш режалаштирилган бўлиб, қабул квотаси тахминан 90 тани ташкил этади.
Самарқанддаги ушбу университет Шавкат Мирзиеёв ташаббуси билан Шанхай ҳамкорлик такилотига аъзо мамлакатларнинг саъй-ҳаракатлари билан очилган. Унда 10 та йўналиш бўйича таълим берилади.
Унинг асосий вазифаларидан бири — туризм индустриясининг жаҳон бозорида юқори малакали ва рақобатбардош кадрлар тайёрлаш ҳамда мавжуд мутахассисларни қайта тайёрлаш ва малакасини оширишдир.
Бу борада университетга Испания, Индонезия, Россия давлатларидан келган докторлар, фан номзодари ва ўқитувчилар, шунингдек, Хитой, Франция, АҚШ ва Малайзиядан таклиф этилган маърузачилар ёрдам беради.
Изоҳ (0)