2018 йилда Ўзбекистон Россияда 5 184 дона автомобиль сотди

2018 йил якунларига кўра Россия бозорида Ravon улуши 0,3% ташкил қилган, дея хабар беради «Spot».

Таққослаш учун айтиш мумкинки, ўтган йилнинг ушбу даврида бренднинг улуши 0,9% ташкил қилганди. Пасайиш ёз, куз, шунингдек декабрда Россияда бир дона ҳам Ravon автомобили сотилмагани билан боғлиқ — улар умуман сотувда қўйилмаган.

Сўнгги бор компания автомобилларини майда сотган — 508 дона. Кейин эса улар барча дилерлик марказларидан йўқолган. Натижада 2018 йилда Ravon

Россияда 5 184 дона автомобиль сотган, 2017 йилда эса ушбу кўрсаткич 15 078 донани ташкил қилган.

Танқисликнинг сабаби камида иккита. Булар Россия бозоридаги нархларни қайта кўриб чиқилиши ҳамда компания бизнес моделининг сезиларли ўзгариши:«Нархларни қайта кўриб чиқиш Россия ва Ўзбекистонда миллий валюта курсларини ўзгариши ҳамда РФ утилизация йиғими ставкаларининг ошиши билан боғлиқ. Бизнес-моделнинг ўзгариши ребрендинг ва моделларнинг янгиланиши билан бирга кечади ҳамда Россия бозори учун янгиликларни жорий этиш ва дилерлик тармоғини кенгайтириш лойиҳалари билан Ravon бренди ривожланишда давом этмоқда», — дейилади Ravon Motors Rus/GM Uzbekistan хабарида.

Ravon’нинг расмий саҳифасида машиналар нимага сотилмаяпти қабилидаги саволларга аниқ жавоб берилмаяпти.

Таққослаш учун, 2018 йилнинг октябрида Қозоғистондаги Ravon сайтида нархлар олиб ташланган, аммо ноябрь бошида бозорда нархи 4,5 миллион тенге (12 минг АҚШ доллар)бўлган Nexia Ravon 3 пайдо бўлган.

Худди шу йилнинг май ойида савдо тўхтатилишдан олдин унинг нархи 2,8 миллион тенге (7,5 минг АҚШ доллар)ни ташкил қилганди. Нархлар сезиларли даражада ўсганини кўриш мумкин.