Навоий вилояти Навбаҳор туманида «Сармишсой» дам олиш зонаси фаолият бошлади. Бу ҳақда ЎзА хабар бермоқда.
Шу муносабат билан ташкил этилган маросимда вилоят ҳокими Қ.Турсунов, давлат ва жамоат ташкилотлари вакиллари, маҳалла фаоллари, нуронийлар, ёшлар иштирок этди.
Дам олиш маскани ҳудуднинг туризм салоҳиятини ошириш, сайёҳларга сифатли хизмат кўрсатишни ташкил этиш мақсадида «Муҳаббат боғи» МЧЖ ташаббуси билан барпо этилди.
Ҳудудда ҳар бири икки ва тўрт хонали 40 га яқин коттеж қурилди. Туман марказидан 22 километр узоқда жойлашган ушбу маскан бир вақтнинг ўзида 100 нафар сайёҳга хизмат кўрсатиш имкониятига эга.
Изоҳ (0)