Париждаги новвойхонада юз берган портлаш сабаб уч киши ҳалок бўлди

Париждаги новвойхонада 12 январь куни юз берган портлаш ва шундан сўнг бошланган ёнғин оқибатида уч киши, хусусан, икки ўт ўчирувчи ҳалок бўлди. Бу ҳақда Meduza хабар бермоқда.

Дастлабки хабарларда ҳодиса оқибатида 30 киши жабрлангани ҳақида айтилган эди. Тахминларга кўра, портлаш газ сизиб чиқиши оқибатида юз берган. Портлаш оқибатида яқин-атрофдаги уйларнинг деразалари синиб кетган.

Le Figaro’нинг қўшимча қилишича, Париж марказидаги Рю-де-Тревиз кўчасида жойлашган ушбу новвойхона шанба куни ишламаслиги, ёпиқ бўлиши лозим эди.