Тошкентда мобил конструкцияли кўчма китоб дўконлари ўрнатилмоқда, деб ёзади Spot ЎзМААга таяниб.
Дўкон ҳафтада 6 кун, соат 9:00 дан 20:00 гача ишлайди ва унда 2500 тагача китоб ва 200 турдан ортиқ даврий матбуот нашрлари жойлаштирилади.
Биринчи босқичда Тошкентнинг 20 та бозорида шундай турдаги китоб дўконларини жойлаштириш режалаштирилган.
Таъкидланишича, «Ўздавкитобсавдотаъминот» МЧЖ ҳамкорлигида йўлга қўйилган ушбу лойиҳанинг афзаллиги унинг мобил конструкциясидир. Бу дўконни исталган вақтда бошқа жойга осон кўчириш ва йиғиш мумкин.
«Китоб дўкони кўчма бўлгани сабабли ерга эгалик ҳуқуқи берилмайди ва кадастр ҳужжатлари талаб қилинмайди. Солиқ органларидан рўйхатдан ўтказилиб, касса аппаратлари ва терминаллар ўрнатилади, холос», — дейди «Ўздавкитобсавдотаъминот» МЧЖ директори Шаҳзод Назаров.
Пойтахтнинг ҳар бир туманида ва вилоят марказларида — жами 250 та дўкон жойлаштирилади. Шундан 50 таси 2019 йил охирига қадар ўрнатилади. Ҳозир Шайхонтоҳур туманида («Ўзбекистон» нашриёти олдида) ва Олмазор туманида (Тансиқбоев бозори қаршисида) намунавий турдаги дўконлар фаолият олиб бормоқда.
Изоҳ (0)