Жорий йилда олий таълим муассасаларининг 54 та объектида қуриш ва таъмирлаш ишлари бажарилади

2019 йилда Ўзбекистон олий таълим муассасаларининг 54 та объектида қуриш ва таъмирлаш ишлари бажарилади. Бу ҳақда Олий ва ўрта махсус таълим вазирлигида бўлиб ўтган видеоселектор йиғилишида айтиб ўтилди, деб хабар берди ЎзА.

Шунингдек, видеоселекторда олий таълим тизимидаги инвестицион фаолиятда, жумладан, хорижий ва маҳаллий инвесторларни жалб этиш бўйича қатор камчиликлар мавжудлиги қайд этилди. Бу борада камчиликларга йўл қўяётган олий таълим муассасалари фаолиятига танқидий баҳо берилди.