Япониялик миллиардер юзлаб Twitter фойдаланувчиларига 10 минг доллардан ваъда қилиб, ретвитлар бўйича рекорд ўрнатди
Япониялик миллиардер Юсаку Маэдзава Twitter’даги юзлаб тасодифий обуначиларга пул мукофоти таклиф қилиб, ретвитлар сони бўйича рекорд ўрнатди. У тахминан бир миллион иена тарқатишни режалаштирмоқда, бу ҳар бир ғолибга тахминан 10 минг доллардан тўғри келади, деб ёзмоқда TJournal.
Иштирок этиш шартлари атиги иккита — Маэдзаванинг аккаунтига обуна бўлиш ва унинг пул тарқатиш ҳақидаги постини ретвит қилиш. Миллиардер ғолибларга шахсий хабар орқали ёзишга ваъда берган.
Икки кун ичида пост беш миллион мартадан кўпроқ ретвит қилинган, миллиардернинг обуначилари сони 501 мингдан 5,7 миллион кишига ўсган.
ZOZOTOWN新春セールが史上最速で取扱高100億円を先ほど突破！！日頃の感謝を込め、僕個人から100名様に100万円【総額1億円のお年玉】を現金でプレゼントします。応募方法は、僕をフォローいただいた上、このツイートをRTするだけ。受付は1/7まで。当選者には僕から直接DMします！ #月に行くならお年玉 pic.twitter.com/cKQfPPbOI3
— 前澤友作@MZDAO (@yousuck2020) January 5, 2019
Маэдзава 2018 йилнинг сентябрь ойида дунё янгиликларида машҳур бўлган эди. Ўшанда миллиардер Илон Маскни уни Ой атрофида SpaceX кемасида саёҳатга жўнатишга кўндирган эди.
Аввалги рекорд Картер Уилкерсон исмли ўсмирга тегишли бўлган. Унинг пости 3,4 миллион марта ретвит қилинган. Ўсмир Wendy’s ресторанлар тармоғи билан 18 миллионта ретвит йиғиш бўйича баҳслашган, ретвитлар сони бир неча марта кам бўлган бўлса ҳам, ресторанлар тармоғи унга бир умр бепул наггецлар беришга рози бўлган.
