Америкалик ҳарбий хизматчилар Сурияни тарк этмоқда. Бу ҳақда «Zakon.kz» хабар берди.
АҚШ давлат котиби Майкл Помпеонинг қайд этишича, АҚШ Ислом давлатига қарши кампанияни давом эттиради ва Яқин Шарқда барқарорликни таъминлашга бор кучини сафарбар қилади.
Журналистнинг Америка ҳарбийларининг Сурияни тарк этиш муддати ҳақидаги саволига Помпео, аниқ муддатлар ҳақида ҳеч қандай маълумот бера олмаслигини, «душманлар Сурияни қачон тарк этишишимизни билишини истамайман», — дея жавоб берди.
Шу билан бирга давлат котиби АҚШ Эронга қарши кампанияни давом эттиришини қайд этди. «Биз бу борада натижаларга эришишда давом этамиз. Фақат бу ишлар билан Америка ҳарбийлари Сурияни тарк этганидан сўнг шуғулланамиз», — дейди у.
Давлат котиби шунингдек Суриядаги диний озчилик хавфсизлигини таъминлаш ҳамда турк ва қурд кучлари орасида низоларни олдини олиш муҳимлигини қайд этди. «Ушбу вазифалар ҳали ҳамон Америка миссиясининг бир қисми саналади», — дейди Давлат департаменти раҳбари.
2 январь куни журналистлар билан учрашув чоғида Трамп ҳам Суриядан Америка ҳарбийларининг чиқиб кетиш муддатини аниқ айтмади.
Трамп Суриядан Америка ҳарбийларининг олиб чиқилиши ҳақида 19 декабрь куни эълон қилди. У мазкур ҳаракатни Сурияда ИД устидан ғалаба қозонилгани билан асослади.
The New York Times нашри Оқ уй маъмуриятидаги манбаларга асосланган ҳолда Америка ҳарбийларининг Сурия ҳудудидан чиқишига тўрт ой ажратилганини маълум қилган.
Изоҳ (0)