​Brent нефти нархи 2017 йилдан буён илк бор 51 АҚШ доллардан тушди

Лондоннинг ICE биржасида Brent маркали нефтнинг бир баррели учун нархи 52 АҚШ доллардан тушди. Бу ҳақда «Дождь» хабар берди.

Москва вақти билан соат 21:15 да нефть нархи бир баррель учун 51,49 АҚШ долларни ташкил қилди. Кейинроқ Brent нефти баррели нархи 2017 йилнинг 31 августидан илк бор 51 АҚШ доллардан тушди — 50,97 АҚШ долларгача.

WTI маркали нефть савдолар давомида баррель учун 43,35 АҚШ долларгача тушган.

Декабрь ойи бошида нефтни экспорт қилувчи мамлакатлар ташкилоти ОПЕК ва унга кирмайдиган мамлакатлар нефть қазиб чиқаришни 2019 йилдан бир кеча-кундузда 1,2 миллион баррелгача қисқартиришга келишиб олган. ОПЕК нефть қазиб олишни 0,8 миллион баррелгача туширади, қолган мамлакатларда қисқариш 0,4 миллион баррелга тўғри келади.

Россия бир неча ой аввал нефть қазиб чиқаришни 2018 йилнинг октябридан 2 фоизга қисқартиришга рози бўлган. Шундай қилиб, октябрдаги бир кеча-кундуздаги 11,4 миллион баррелдан қазиб олиш айни дамда 228 минг баррелгача қисқариши керак.

Аввалроқ АҚШ президенти Дональд Трамп ОПЕКдан нефть қазиб чиқаришни қисқартирмасликка ва паст нархни сақлаб қолишга чақирган.