Покистон собиқ бош вазири Наваз Шариф коррупция ҳақидаги иш доирасида етти йиллик қамоққа ҳукм қилинди, деб ёзади «ТАСС».
24 декабрь куни бўлиб ўтган суд мажлисида пул ювиш ва коррупцияга алоқадор иккита алоҳида иш кўриб чиқилди, булар — Al-Azizia пўлат комбинати ва Flagship Investment инвестиция фирмаси иши.
Суд қарори билан биринчи айблов бўйича Шариф етти йилга, шунингдек, 2,5 миллион доллар жаримага ҳукм қилинди. Иккинчи иш бўйича эса собиқ бош вазир оқланди.
Шарифга қарши коррупция ҳақида жами учта жиноят иши қўзғатилган эди. Биринчи суд мажлиси 2018 йил 6 июлда якунланган, ўшанда Шариф ўн йил қамоқ ва 8 миллион доллар жаримага ҳукм этилган эди.
Изоҳ (0)