Қарши шаҳрида яшовчи З.Б. 2018 йил июнида Тошкентнинг Қорасув-1 даҳасида яшовчи таниши М.М.га Қашқадарёдан гўшт олиб келиб Тошкентда сотиш бизнеси билан шуғулланишни таклиф қилган.
ИИВнинг хабар беришича, З.Б. бизнес таклифи баҳона М.М.дан 150 минг доллар миқдоридаги пулни алдов йўли билан олиб, ваъдасини бажармаган ва пулларни ўз эҳтиёжлари йўлида ишлатиб юборган.
Жабрланувчи ушбу ҳолат юзасидан 7 ноябрь куни Мирзо Улуғбек туман ИИБга ариза берган, ҳолат юзасидан жиноят иши қўзғатилган. «Кўрилган чоралар натижасида З.Б. қўлга олинди. Тергов давом этмоқда», — дейилади ИИВ ахборотида.
Изоҳ (0)