Англиянинг «Манчестер Юнайтед» клуби бош мураббийи Жозе Моуриньо истеъфога чиқарилди.
«Клуб Моуриньонинг клубдаги иши учун миннатдорчилик билдиради. Ва унга келажакдаги ишларида омад тилайди. Янги вақтинчалик бош мураббий тез орада тайинланади. Шу билан биргалик клуб жамоага янги бош мураббийни излаш жараянонини давом эттиради»,—дейилади клуб баёнотида.
Маълумот учун, Жозе Моуриньо 2016 йил майидан бери «Манчестер Юнайтед»ни бошқариб келаётганди. Унинг қўл остида жамоа 2016/17 йилги мавсумда Англия Лига Кубоги ҳамда Европа Лигаси кубогини ютган, шунингдек, Англия Суперкубогига ҳам эга чиққан. «Юнайтед» АПЛнинг 2016-2017 йилги мавсумда 6-ўринни, 2017/18 йилги мавсумда эса 2-ўринни эгаллаганди.
Айни дамда эса клуб мусобақа жадвалида 6-ўринни банд этиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)