Samsung компанияси экранида ўйиқ бўлган Samsung Galaxy А8s смартфонини тақдим этди. Смартфон компаниянинг экранида ўйиқ бўлган ва Infinity-О дисплейи билан жиҳозланган биринчи қурилмаси бўлди. Шунингдек, у Galaxy қаторининг қулоқчинлар учун портга эга бўлмаган биринчи қурилмаси ҳам бўлган. Бу ҳақда Hi-Tech Mail.Ru хабар берди.
Камера учун ўйиқ анча катта бўлган, ром эса билиниб туради. Янги қурилма 6,4 дюймли дисплей билан жиҳозланган. Смартфон Snapdragon 710 процессорида 8 гигабайтли тезкор хотира ва 128 гигабайтли доимий хотира билан ишлайди. Унга Android 8,1 Oreo операцион тизими ўрнатилган.
Смартфоннинг 10 мегапиксель, 24 мегапиксель ва 5 мегапикселли асосий камералари бўлиб, селфи учун мўлжалланган олд камера 24 мегапикселли. Гаджет USB-C порти, орқа томонда жойлашган бармоқ изини олувчи сканерга эга. Аккумулятор сиғими 3300 миллиампер/соатни ташкил қилади.
Galaxy А8s икки томондан 3D ойна билан қопланган, ром металлдан тайёрланган. Қурилма қора, кулранг ва яшил рангларда ишлаб чиқилади ва ранглар ёруғлик тушиш бурчагига боғлиқ ҳолда тусланади. Қурилманинг нархи 21 декабрь куни эълон қилинади.
Изоҳ (0)