Saxo Bank таҳлилчилари 2019 йил учун ўзларининг прогнозларини маълум қилди, деб ёзмоқда Hi-Tech Mail.Ru.
Германиядаги иқтисодий муаммолар ва ягона транспорт солиғининг жорий қилиниши билан бирга, таҳлилчилар бугунги дунёдаги вазиятни ўзгартириб юбориши мумкин бўлган бир нечта эҳтимолий ҳодисаларни прогноз қилмоқда.
Таҳлилчиларнинг фикрига кўра, Қуёшнинг 25-цикли Ер учун навбатдаги муаммоларни юзага келтиради. Бундай муаммолар аввалги 24 та циклга хос эмас. Барчасига техник тараққиёт ва электр қурилмаларнинг электромагнит бўронларига заифлиги айбдор бўлади. Кучли Қуёш бўронлари бутун ғарбий яримшарни қоплаб олади ва кўплаб сунъий йўлдошларни «узиб қўяди». Бу GPS, интернет, шунингдек, сунъий йўлдошга боғланган бошқа барча тизимлардаги муаммоларда ўз аксини топади.
Прогнозлардан яна бири Apple компаниясига тааллуқли. Таҳлилчиларга кўра, компания фойдаланувчиларнинг ҳамёнларини бўшатиш учун кейинги мантиқий қадам ўта юқори технологияли автомобиль эканлигини тушунади. Янги лойиҳа ишлаб чиққандан кўра тайёрини сотиб олиш осонроқ ҳисобланади. Бунда Tesla молиялаштиришга ўта муҳтож. Бошқа томондан, кейинги йилда Tesla’нинг барча автомобиллари ўз логотипини «олма»га алмаштиришини тасаввур қилиш жуда қийин.
Изоҳ (0)