Шаҳло Аҳмедованинг Ўзбекистонда намойиши тақиқланган «Летние дожди» клипи Россиянинг «RU.TV» телеканали томонидан қўллаб-қувватланмоқда, деб хабар берди «Repost».
Телеканалнинг расмий сайтида «Кел, синаб кўрамиз» рукни бўлиб, унда барча хоҳловчиларга мамлакатнинг ёш хонандаларини қўллаб-қувватлашга чорланади. Шаҳло Аҳмедованинг клипи ҳам мана шу рукнга жойлаштирилди.
Маълумот учун, 13 ноябрь куни «Ўзбекконцерт» давлат муассасаси томонидан бир неча бор огоҳлантирилишига қарамасдан, хонанданинг «Летние дожди» деб номланган қўшиғига ишланган видеоклип ижтимоий тармоқлар орқали намойиш этилаётганлиги аниқланган ва у лицензиясидан маҳрум қилинган эди.
Ўшанда хонандаларга лицензия беришга масъул ташкилот Шаҳло Аҳмедованинг клипини «Видеоклипда миллий маънавиятимизга ёт бўлган, томошабинларнинг эътиборини жалб этиш учун халқимиз менталитетига зид, шарқона одоб-ахлоқ меъёрларига тўғри келмайдиган ҳаракатлардан ҳам тап тортмай, йигит ва қизнинг ишқий кечинмаларини очиқ-ошкора ифода этиб, буни андишасизларча тасвирга олиб кенг оммага намойиш этган», — дея изоҳлаган эди.
Изоҳ (0)