30 ноябрь, жума куни футбол бўйича Ўзбекистон Суперлигасининг 32-тури билан мавсум якунига етди.
Сўнгги турда «Пахтакор» ўз майдонида «Бунёдкор»ни қабул қилиб, 4:0 ҳисобида ғалаба қозонди. Тиага Безерра ҳет-трикка эришиб, мавсум тўпурари бўлди. Яна бир гол сўнгги дақиқаларда Игорь Сергеев томонидан киритилди.
Ўз майдонида 2 йилдан бери мағлубият нималигини билмай келаётган «Навбаҳор» сўнгги турда муддатидан аввал чемпионликни қўлга киритган «Локомотив»ни қабул қилиб, 0:3 ҳисобида мағлуб бўлди. Сардор Рашидов ўз ҳисобига 2 та гол ёзиб қўйган бўлса, ўйиннинг иккинчи бўлимига қўшиб берилган дақиқада Кахи Maxарадзе пенальтидан гол уриб, «темирйўлчилар»нинг йирик ҳисобдаги ғалабасини таъминлади.
«Металлург» жамоаси эса Бекободда «Бухоро»ни меҳмон қилиб, Зафар Тўраевнинг 41-дақиқада урган голи эвазига ғалаба қозонди.
Юқори олтиликдаги якуний ҳолат
Пастки олтиликдаги якуний ҳолат
Энди Суперлиганинг 10 ва 11-ўринларини эгаллаган жамоалар Про-лига клубларига қарши плей-офф баҳсларида майдонга тушади.
«Машъал» Суперлигада 11-ўринни эгаллаган «Сўғдиёна» жамоасига қарши плей-офф баҳсида майдонга тушади.
«Истиқлол» эса Суперлигада 10-ўриндан жой олган ОКМК жамоасига қарши плей-офф ўйинида Суперлига йўлланмаси учун баҳс олиб боради.
Ушбу учрашувлар 3—4 декабрь кунлари соат 14:00 да бўлиб ўтади. «Сўғдиёна» – «Машъал» баҳсига Олмалиқдаги «ОКМК» стадиони мезбонлик қилса, ОКМК – «Истиқлол» ўйини Тошкентдаги «Локомотив» стадионида бўлиб ўтади.
Pepsi Суперлига
32-тур баҳслари
30 декабрь, жума
«Пахтакор»—«Бунёдкор» 4:0
Голлар: 1:0 — 5 Тиаго Безерра, 2:0 — 44 Тиаго Безерра, 2:0 — 83 Тиаго Безерра, 3:0 — 90+1 Игорь Сергеев.«Металлург»—«Бухоро» 1:0
Гол: 1:0 — 41 Зафар Тўраев.«Навбаҳор»—«Локомотив» 0:3
Голлар: 1:0 — 10 Сардор Рашидов, 0:2 — 54 Сардор Рашидов, 0:3 — 90+1 пенальти, Кахи Maxарадзе.29 ноябрь, пайшанба
Изоҳ (0)