Тошкент вилоятидаги «С.Нажимов» чегара божхона постида Б.Р.нинг қўл сумкалари кўздан кечирилганда, унда йўловчи божхона декларациясида ёзиб кўрсатилмаган ва оғзаки савол-жавобда маълум қилинмаган, хорижда ишлаб чикарилган қиймати 10 миллион сўмлик 17 шиша Жаcк Даниелс номли вискиларни олиб ўтмоқчи бўлганлиги аниқланди. Бу ҳақда «Дарё»га Божхона қўмитаси ахборот хизмати маълум қилди.
Мазкур пост ходимлари яна бир фуқаро Р.Т.нинг қўл юкларини божхона кўригидан ўтказганда, ушбу шахс ҳам сумкасига яширганча йўловчи божхона декларациясида ва оғзаки сўровда маълум қилмасдан туриб, 25 литр спиртни олиб киришга урингани маълум бўлди.
«Яллама» чегара божхона постида эсаХ. Ф. исмли фуқаро хеч қандай хужжатларсиз, божсиз олиб киришнинг рухсат этилган меъёрларидан ортиқча бўлган, қиймати 1,3 миллион сўмлик 28 шиша ароқ ва конякларни олиб кирмоқчи бўлган вақтида тўхтатиб қолинди.
«Ғишткўприк» чегара божхона пости ходимлари томонидан фуқаро Б. Б. қўл юклари орасига йўловчи божхона декларациясида ҳамда оғзаки сўровда тақдим этилмаган, белгиланган меъёрдан ортиқча бўлган, қиймати 2,3 миллион сўмлик 3 турдаги 9 шиша виски ва ароқ яширилганлиги аниқланди.
Айни шу постнинг ўзида яна бирфуқаро К Г. ҳам қўл юклари орасига яширганча 13,5 литр ҳажмдаги 30 дона пиво ичимликларини божхона назоратидан яширинча олиб ўтаётган вақтида тўхтатиб қолинди.
Ҳозирда мазкур ҳолатлар юзасидан текширув ҳаракатлари олиб борилмоқда.
Изоҳ (0)