Сурхондарё вилояти Термиз шаҳридаги Деҳқон бозорида асал ярмаркалари ташкил этилди. Ярмаркада вилоятдаги асаларичилик билан шуғулланувчи тадбиркорлар ўз маҳсулотларини ички бозор билан бир қаторда қўшни Афғонистон, Тожикистон ва Туркманистон бозорларига тақдим қилинаётган маҳсулотлар тўғрисида ҳам фикр алмашинди, Бу ҳақда «Дарё»га вилоят божхона бошқармаси матбуот хизмати хабар берди.
Унда соҳа мутахассислари асаларичилик билан шуғулланувчи тадбиркорлар билан суҳбатда бўлишиб, келажакда асал экспортини йўлга қўйиш хамда экспорт операциялари бўйича маълумот бердилар.
«Сурхон воҳасидаги асаларичилик бошқа ҳудудларга нисбатан имконияти юқори эканлигини, бунинг сабаби эса воҳа иқлими бир мунча илиқлиги туфайли асаларилар бошқа вилоятдаги асаларилардан кўра қишги фаслдан 20-45 кун эртароқ уйғониб, кўпроқ асал олиш имконини беради. Асал экспорт имкониятини янада ошириш мақсадида вилоят ҳудудида асаларичиликни сезиларли ривожлантириш ва экспорт қилиш учун камида 10 минг гектаргача беда, қовун-тарвуз, маккажўхори, кунгабоқар ёки гулчилик экинларини кўпайтириш керак, — дея таъкидлади «Сурхон асали» МЧЖ раҳбари Ғ.Бегимов
Учрашувда билдирилган таклифлар тегишли мутасадди ташкилотлар томонидан ўрганилиб, унинг ечими юзасидан ўзларига вазифаларни белгилаб олдилар.
Изоҳ (0)