Тожикистон президенти Эмомали Раҳмон 20 ноябрь куни Душанбеда расмий ташриф билан бўлиб турган Ўзбекистон Олий Мажлиси Қонунчилик палатаси спикери Нурдинжон Исмоиловни қабул қилди, деб ёзади Asia-Plus.
Учрашувда икки мамлакат ўртасидаги ҳамкорлик, шу жумладан, парламентлараро муносабатларни ривожлантириш масалалари муҳокама қилинди.
Нурдинжон Исмоилов Эмомали Раҳмонни Роғун ГЭСининг биринчи агрегати фойдаланишга топширилгани билан табриклади.
«Мен ушбу улуғвор объектнинг муваффақиятли ишга туширилганидан завқланмоқдаман, бу ҳодиса Тожикистоннинг энг янги тарихига қайд этилади, ушбу лойиҳанинг амалга оширилиши эса нафақат Тожикистон халқи, балки бутун Марказий Осиё минтақаси халқлари учун аҳамиятга эга. Бу ноёб лойиҳа Сиз, ҳурматли Эмомали Раҳмон, Сизнинг қатъиятингиз ва узоқни кўра биладиган сиёсатингиз шарофати билан амалга ошди», — деди у.
Изоҳ (0)