Nissan ва Renault’нинг ҳибсга олинган собиқ раҳбари Карлос Гон икки компанияни бирлаштиришни режалаштирган, бироқ япон автомобиль ишлаб чиқарувчиси директорлар кенгаши шартномага қарши бўлган ва уни тўхтатиш йўлларини қидирган. Бу ҳақда Financial Times хабар бермоқда, деб ёзади «Корреспондент.net».
Nissan директорлар кенгашининг аъзолари таклиф яқин ойларда қилинишини кутган.
20 йил илгари Renault ва Nissan альянсини шакллантиришда компаниялар акцияларига эгалик қилишнинг кесишма тизими ўйлаб чиқилган эди, кейинчалик уларга Mitsubishi қўшилган. Ҳозида Nissan ва Франция ҳукумати Renault’нинг тахминан 15 фоиздан акциясига эгалик қилади. Унга эса Nissan’нинг 43 фоиз акциялари тегишли. Nissan Mitsubishi’нинг ҳам 34 фоиз акцияларини назорат қилади.
Охирги вақтларда Франция ҳукумати Гон кетгандан сўнг альянсни сақлаб қолиш учун автоконцернларни янада яқинлаштириш ниятида бўлган. Бироқ Япония томонининг маълум бир қаршиликлари бўлган.
«Nissan директорлар кенгаши компания мақомини иккинчи эшелон сифатида мустаҳкамловчи ҳар қандай қайта ташкил этишга қарши қатъий курашишини маълум қилиб келган», — дейди нашр манбаларидан бири.
Изоҳ (0)