«Ўзстандарт» агентлиги журналистлар учун матбуот анжумани ўтказди. Бу ҳақда «Дарё»га агентлик матбуот хизмати маълум қилди.
Анжуман доирасида Республикада синовлар натижаларининг ҳалқаро даражада тан олинишида лабораторияларнинг ўрни «Ўзбек-Турк Тест Маркази» фаолияти мисолида сўз борди.
Ишлаб чиқарилаётган миллий маҳсулотларнинг жаҳон бозорларидаги рақобатбардошлигини таъминлаш ҳамда халқаро стандарт талабларига мувофиқ сертификатлаштириш ва синаш, илғор мамлакатларнинг бой тажрибасидан кенг фойдаланиш мақсадида «Ўзстандарт» агентлиги ва Турк стандартлари институтути ҳамкорлигида замонавий жиҳозланган ҳамда халқаро талабларга жавоб берадиган ўзбек-турк қўшма корхонасига асос солинди.
Ҳозирги кунда марказда маҳсулотларни сертификатлаштириш идораси, сифатни бошқариш тизимларини сертификатлаштириш ва синов лабораториялари мажмуалари фаолият кўрсатади.
Республикамизда ишлаб чиқарилаётган енгил саноат маҳсулотларининг сифатини халқаро стандарт талаблари асосида синаш ва синов натижаларининг халқаро даражада тан олинишига эришиш мақсадида «Тўқимачилик маҳсулотларини синаш лабораторияси» Туркиянинг аккредитатлаш ташкилоти (TURKAK) томонидан мувофиқ аккредитация қилинди.
TURKAK Европа аккредитация ташкилоти, Халқаро аккредитация форум ва Лабораторияларни халқаро аккредитация қилиш қўмитаси каби нуфузли халқаро ташкилотларга аъзо. Бу эса «Ўзбек-Турк Тест Маркази» қўшма корхонаси сифат менежмент тизимларини сертификатлаштириш идораси ва синов лабораториясининг мустақиллиги ва холислигини таъминлаб, улар томонидан расмийлаштирилаётган мувофиқлик сертификатлари ва синов баёномалари натижалари нафақат ички, балки ташқи бозорлара тан олиниш имконини бермоқда.
Изоҳ (0)