МИБ Ангрен шаҳар бўлими ходимлари томонидан Ғунча кўчасида яшовчи фуқаро Х.К.га тегишли хонадон электр энергиясидан фойдаланиш қоидаларига амал қилиниши юзасидан хатловдан ўтказилди. Бу ҳақда «Дарё»га МИБ матбуот хизмати маълум қилди.
Хатлов давомида хонадондаги электр ҳисоблагичнинг ташқи давлат тамғалари барчаси ўз жойида эканлиги, лекин ҳисоблагичнинг ички қисмига ўтаётган электр энергияси ҳисобини камайтириш мақсадида қўшимча мослама ўрнатилганлиги маълум бўлди.
Текшириш натижасига кўра Ангрен шаҳар электр тармоқлари корхонаси манфаатларига 99.326.292сўм моддий зарар етказилганлиги аникланди.
Мазкур ҳолат юзасидан Х.К.га нисбатан жиноят иши қўзғатилиб, суриштирув ҳаракатлари олиб борилмоқда.
Изоҳ (0)