Қозоғистонлик каскадёр Касим Жумагужин Хэллоуин байрами муносабати билан уюштирилган кечки базмда амалга оширилган трюкдан кейин вафот этди. Бу ҳақда Sputnik хабар берди.
Ҳодиса ўтган шанба куни юз берган. Жумагужин ҳамкасблари билан Олмаотадаги тунги клубларнинг бирида ташкиллаштирилган шоу-дастурда иштирок этаётган бўлган.
«Каскадёр арқонда осилиб турган мумия ролини ижро этиши керак эди, унинг эгнида айнан шу турдаги трюкларни амалга ошириш учун мўлжалланган махсус нимча бўлган», — деб сўзлаб берган нашрга Номад Стунц профессионал каскадерлар гуруҳининг коммуникациялар бўйича менежери Евгения Ли.
«Касим шу нимчага боғланган ва осилган эди. Томошабинлар кўрган — бутафор сиртмоғи либоснинг бир қисми бўлиб, у қаттиқ тортилмаган эди», — деб тушунтирган аёл.
Лининг сўзларига кўра, ускуна дастлаб синовдан ўтказилган, трюк бажарилиши вақтида каскадерёнинг ҳолати унинг шериги томонидан назорат қилинган. Жумагужин бир неча маротаба унга «ҳаммаси жойида»лиги ҳақида ишора берган.
Орадан 15 дақиқа ўтгач, 34 яшар каскадёрни пастга туширишган, у ҳали ҳушида бўлган, лекин ўзини ёмон ҳис қилган. Уни хонадан чиқариб, тез ёрдамни чақиришган.
«Ҳодиса жойига етиб келган медиклар аввал жонлантириш тадбирларини амалга оширган, лекин кейин ўлим ташхисини қўйган. Бугун Касимнинг яқинлари суд-тиббий экспертиза хулосасини олди, унда ҳамкасбимиз ўта ўткир кечган миокард инфаркти туфайли вафот этгани айтилган», деган Ли.
Жумагужин 25 та фильм съёмкалари, жумладан, Сильвестр Сталлоненинг «Тутқич бермаслар-2» ва Киану Ривз билан «47 ронинлар» фильмларида иштирок этганди.
Изоҳ (0)