Alutex Ўзбекистон — Британия қўшма корхонаси 1999 йилда ташкил этилган бўлиб, компания 2003 йилда МДҲ мамлакатларида биринчи бўлиб, алюмин профиллари ва фурнитураларини ишлаб чиқара бошлаган.
Ишлаб чиқариш жараёни қуйма ишлаб чиқариш, экструдлаш, бўяш, анодлаш ёки декоратив ишлов бериш, қадоқлаш ва лабораторик текширувлар каби беш бошқичдан иборат.
Alutex ишлаб чиқаришнинг барча босқичини назорат қилади. Ҳаммаси заводга дунёдаги етакчи бирламчи алюминий ишлаб чиқарувчиларидан бўлган Россиянинг Русал компаниясидан алюминий қуймалари олиб келиниши билан бошланади.
Хом ашё қуйма ишлаб чиқаришга йўналтирилади. Бу босқич пресслаш участкасини алюминли қотишмалар билан таъминлайди.
Заводда 35 тонналик учта эритиш қозонларида эритиш-қуйма агрегатлардан фойдаланилади.
Қуйиладиган маҳсулотлар диаметри 100 миллиметрдан 300 миллиметргача бўлади. Уларнинг узунлиги стандарт бўйича 6 метрни ташкил этади.
Тайёр ярим маҳсулотлар экструдлаш жараёнига узатилади.
Ишлаб чиқаришда мавжуд бўлган прессланган профиллар номенклатураси 500 дан ортиқ турга эга, шунингдек компания мижоз чизмасига кўра профил тайёрлаб ҳам бериши мумкин. Буларни ишлаб чиқариш учун пресслаш участкаси таркибида ойига 1400 тоннадан ортиқ ишлаб чиқариш қувватига эга бўлган еттита пресслаш линияси мавжуд.
Кейинги босқич ранг бериш. Корхонада тўртта кукунли эмал билан бўяйдиган автоматлаштирилган линиялар мавжуд. Корхонада фақатгина полиэфир асосли, атмосферага барқарор, ёмон атроф-муҳит таъсирида ҳам узоқ муддат хизмат қилувчи, импорт эмаллардан фойдаланилади.
Кукунли эмаллар полимерлашдан сўнг экологик хавфсиз ҳисобланади.
Мижоз RAL каталогининг кўп сонли вариантларидан исталган рангни танлаши мумкин.
Ишлаб чиқаришда анодлаш имконияти мавжуд.
Анодлаш — бу ҳимоя-декоратив қопламанинг бир тури бўлиб, у профилнинг устки қисмида алюминий гидратидан мустаҳкам плёнка ҳосил қилишдан иборат. Бу қатлам профилнинг узоқ муддат хизмат қилиш даврида унинг ранги ва қулайлиги ўзгармаслигини таъминлайди.
Мижознинг хоҳишига кўра, алюмин профилларга безак бериш мумкин.
Безак бериш — бу ҳар хил турдаги ёғоч ва тошларнинг суратини тушириш технологияси.
Сурат босиш вакуумда амалга оширилади. Натижада ўта мустаҳкам қопламали узоқ хизмат қилувчи ва чиройли устки қисм ҳосил бўлади.
Тайёр маҳсулот махсус ҳимоя плёнкасида қадоқланади.
Тайёр профиллар мунтазам экспресс — кимёвий таркиб назоратидан ўтказилади. Назорат Foundry Master лабораториясининг спектрографик усули ва компьютер технологиялари ёрдамида амалга оширилади.
Alutex профиллари дераза, эшик, қишки боғлар, бинонинг устки қисми, мебел, панжара, дераза ва эшик ҳимоя панжараси, шунингдек мижоз истагига кўра махсус профиллар тайёрлашда ишлатилади.
Алоқа маълумотлари:
Қайноқ линия телефон рақамлари: (+99898) 125-04-44
Савдо бўлими телефон рақамлари: (+99871) 250-99-48
Фирма дўкони телефон рақамлари: (+99871) 250-13-06
Реклама ҳуқуқи асосида
Изоҳ (0)