Қишлоқ хўжалик таъминотида ва қишлоқ хўжалик маҳсулотлари савдосида маҳсулотларни кузатилиш тизимлари — Crown Agents USAID’нинг Марказий Осиёдаги 8-савдо форуми доирасида иқтисодиётни ривожлантиришни жадаллаштириш учун шундай инновацион ечимлар тақдим этди.
Ўзбекистонни Марказий Осиёда рақобатбардошлигини кучайтириш учун мулжалланган ечимлар сифатида панел мунозара давомида Crown Agents’нинг етакчи халқаро экспертлари «Марказий Осиё минтақасида қишлоқ хўжалигида ва қишлоқ хўжалик маҳсулотлари савдосидаги товарлар кузатилиши технологияси» тадқиқотлари натижаларини тақдим этди. Иқтисодий ўсиш ва шаффофликнинг ошиши — таъминот занжирларини бошқаришга янги технологияларни жорий қилишдан пайдо бўлган ижобий ўзгаришларининг атиги бир қисми.
Тадқиқот шуни маълум қилдики, қишлоқ жўжалик сектори Марказий Осиё минтақаси мамлакатлари ривожланишининг асосий йўналиши бўлишига қарамай, унинг потенциали ҳанузгача тўлиқ рўёбга чиқарилмаган. Қишлоқ хўжалиги занжирида қўшилган қийматнинг кузатилиш тизимини жорий этиш ривожланишнинг янги босқичига ҳатлаб ўтишга имкон беради.
Озиқ-овқат хавфсизлиги ҳаётий зарурат ҳисобланади. Хавфли зарарланиш ёки сифатсиз маҳсулотни вақтида олдини олиш ёки ўз вақтида йўқотиш имкони бўлмаслик мамлакат иқтисодиётига ва аҳолининг хавфсизлигига сезиларли зарба бериши мумкин. Шунинг учун озиқ-овқат маҳсулотининг қишлоқ хўжалиги занжирида қўшилган қийматнинг ҳар бир босқичида хавфсизлигини таъминлаш муҳим: қишлоқ хўжалик хом ашёсини ўстириш, қайта ишлаш, ташиш, сақлаш ва сотиш даврида.
Товарларнинг кузатилиши технологияси — бу таъминот занжирларини ҳар бир босқичда ва барча жалб этилган томонларни ҳисобга олган ҳолда назорат қилишнинг инновацион технологияси. У ҳар бир босқичда фойдали маълумотлар беради ва жараёнларни яхшилашга кўмаклашади. Системани сифатли жорий этиш маҳсулотнинг юқори сифатини таъминлаш, иқтисодиёт ривожланишини рағбатлантириш, давлат ва ҳусусий секторнинг даромдлилигини оширишга имкон беради.
«Замонавий савдода ҳар бир элементни рақобатбардошликдаги устунликка айлантирса бўлади. Биз, Crown Agents’нинг, инновацияларни жорий этиш Марказий Осиё давлатларига халқаро бозорда ўз жойларини мустаҳкамлашга ва инвестициялар жалб этишга ёрдам беришига ишончимиз комил, – деб изоҳлайди Лариса Кокарева, Crown Agents’нинг Марказий Осиё бўйича Минтақавий менежери. – Бизнинг мутахассисларимиз бундай лойиҳаларни дунё бўйлаб амалга оширишда зарур билимлар ва кенг тажрибага эга, бизнинг минтақада бўлишимиз эса маҳаллий хусусиятларни чуқур ҳис этиш имконини беради, шу сабабли қандай қилиб ўз тажрибамизни Марказий Осиёнинг жадал ривожланаётган давлатлари контекстига энг самарали жорий этишни биламиз».
Crown Agents Марказий Осиёда 25 йилдан бери ишлайди. Компаниянинг минтақадаги фаолияти 1992 йилда бошланган, 2013 йилда эса бизнес ривожлантириш бўйича доимий офис Бишкекда очилган. Компаниянинг фаолият доираси харидлар ва таъминот занжирларини, минтақавий савдони ривожлантириш ва ўз мижозларига, шулар қаторида Глобал Жамғармаси, Осиё ривожланиш банки, Жаҳон банки ва Япония ҳукуматига молиявий кўмак ва маслаҳатлар тақдим этишни қамраб олади.
Марказий Осиёда янги технологияларни жорий этиш — минтақани халқаро ҳамжамиятига қўшилишининг зарур шарти. Фақат замонавий инфратузилмаларни етарли даражада таъминлаб, янги инвесторларни жалб этишни кафолатлаш мумкин.
Crown Agents компанияси ҳақида
Crown Agents давлат секторини бошқаришда стратегик ечимлар соҳасида дунё экспертларидан бири ва давлат харидлари соҳасида етакчи мутахассис ҳисобланади. Crown Agents 100 дан зиёд мамлакатларда ишлайди ва дунё бўйлаб ҳукуматлар билан 185 йилдан ортиқ ҳамкорлик қилади (Буюк Британия, АҚШ, Япония, Осиё, Ғарбий ва Шарқий Европа, Африка). Шунингдек компания Жаҳон банки, Бирлашган миллатлар ташкилоти, Европа комиссияси, Осиё ривожланиш банки каби дунёнинг энг йирик компаниялари, ташкилотлари, жамғармалари билан ишлайди. Марказий Осиёда Crown Agents 25 йилдан зиёд ривожланиш, харидлар, молияни бошқариш, иқтисодиятни ривожлантириш дастурлари соҳасида ишлаб келмоқда.
Изоҳ (0)