Европа иттифоқи бош қароргоҳида Ўзбекистон Президенти Шавкат Мирзиёевнинг Брюсселга ташрифи 2019 йил бошида амалга ошишига умид қилишмоқда. Бу ҳақда Европарламентнинг Латвиядан депутати Ивета Григуле-Петерсе маълум қилди, деб ёзади «Газета.uz».
«Ўзбекистон—Евроиттифоқ» парламент ҳамкорлиги қўмитасининг 14-мажлиси Тошкентда 1 ноябрь куни бўлиб ўтди. ЕПнинг Марказий Осиё мамлакатлари ва Мўғулистон билан алоқалар бўйича раиси Ивета Григуле-Петерсе йиғилишда Европа делегациясига раҳбарлик қилди.
«Брюссель президентингизни кутмоқда — агар имконияти бўлса, келаси йилнинг боши яхши бўларди», — деди у мажлисни очаркан.
Евродепутатнинг фикрича, Шавкат Мирзиёевнинг ташрифи Ўзбекистон ва Евроиттифоқ ўртасидаги ҳамкорликни яқин беш-ўн йил учун аниқлаштириб қўйиш имконини беради. «Уни яна бир йилга чўзиш керак эмас. Мен (Ташқи алоқалар бўйича Европа хизмати) истагини етказяпман», — деб қўшиб қўйди депутат.
У Ўзбекистон Президентининг 8—9 октябрь кунлари Францияга қилган ташрифини «жуда яхши, жуда муваффақиятли» деб баҳолади.
Изоҳ (0)