«Конфетсиз кино». «Салом, рашк» фильмининг премьераси бўлиб ўтди (фото ва видео)

Алишер Навоий номли кино саройида «Dilshoh media» кинокомпанияси, продюсер Маҳмуд Эркабоев, ҳамда режиссёр Бегзод Жониев томонидан суратга олинган «Салом, рашк» фильмининг премьераси бўлиб ўтди.

Журналист Феруз Муҳаммад «Дарё» учун махсус тайёрланган «Премьера» лойиҳаси билан мазкур премьерада меҳмон бўлди.

Фильмда бош ролларни Азиз Раметов, Севара Солиева, Шаҳло Зоирова, Саид Муҳторов, Саида Раметова, Ҳамид Тошпўлатов, Машҳура Зулфиқорова, Олим Жалолов сингари актёр ва актрисалар ижро этишган.

Фильмда бош ролларни ижро этган Bravo жамоаси аъзоси, актриса Шаҳло Зоирова, Севара Солиевалар бошқа фильмнинг суратга олиш жараёнида иштирок этаётгани сабабли, ушбу премьерада иштирок этишмади.

Фильм премьерасида ижодий жамоани актёр ва режиссёр Дилмурод Масаидов мухлисларга таништирди. Дилмурод Масаидов фильм жамоасини таништириш жараёнида «Салом, рашк фильми конфетсиз кино, яъни бу фильмда бирорта ҳам конфет йўқ, фильмда барча ролларни профессионал актёр-актрисалар ижро этишган. Фильм продюсери Маҳмуд Эркабаевнинг эса конфетларга тоқати йўқ, конфетларсиз кино ишласа бўлади деган тамойилга амал қиладиган инсон», деган фикрни айтиб ўтди.