АҚШ президенти Дональд Трамп сайловларда унинг ғалабаси Россия учун «энг ёмон ҳодиса» бўлишини маълум қилди, деб ёзади «РИА Новости».
«Биласизми, сизга айтсам Россия учун менинг сайловларда ғолиб бўлишимдан-да ёмонроқ ҳодиса бўлмаса керак», — деди у Шимолий Каролинадаги сайловолди митинггида сўзлаган нутқида.
«Шу билан бирга Россия, Хитой, Шимолий Корея ва Япония билан муносабатларни яхшилаш — бу яхши, ёмон эмас», — деди Трамп Россия Президенти Владимир Путин билан Хелсинкидаги учрашуви яхши ўтганини таъкидлаб.
Трамп Республикачилар партиясидан кўрсатилган номзодларни оралиқ сайловларда қўллаб-қувватлаш учун сайловолди тарғибот ишларида қатнашмоқда.
АҚШдаги оралиқ сайловлар 6 ноябрь куни бўлиб ўтади. Ушбу сайловлар амалдаги президент муддатининг ўртасида ўтказилаётгани боис оралиқ деб аталади. Вакиллар палатасининг 435 нафар депутатининг барчаси, 100 сенаторнинг 35 нафари, 39 штат ва ҳудуд губернаторлари қайта сайланади.
Изоҳ (0)