Бугун, 23 октябрь санасида Молия вазирлиги ғазначилигида журналистлар ва ОАВ ходимлари иштирокида «Ёқилғи энергетика соҳасидаги ислоҳотлар самарадорликка эришиш учун шароит яратиш асосида ижтимоий масъулиятни кучайтириш» мавзусида очиқ мулоқот бўлиб ўтди, деб хабар беради ЎзА.
Молия вазири Жамшид Қўчқоров электр энергияси нархи ўсиши сабабларини изоҳлади.
«Ўзбекситонда ҳар йили ўрта ҳисобда 64 миллиард КВТ/соат электр энергияси ишлаб чиқарилади. Шундан 83 фоизи табиий газни ишлатиш орқали. Иссиқлик электростанциялари ва иссиқлик электроцентралларида 1 КВТ/соат элект-энергиясининг ишлаб чиқариш таннархи 193,2 сўмни ташкил этади, сотиш нархи эса – 228,6 сўм, қўшилган қиймат солиғини чиқариб ташлаганда 190,5 сўм. Демак, ҳар бир КВТ/соат электр-энергиясини сотишдан «Ўзбекэнерго» АЖ 2,7 сўм зарар кўради»,— деди Жамшид Қўчқоров.
Эслатиб ўтамиз, аввалроқ Ўзбекистонда 2018 йил 16 ноябрдан бошлаб электр энергияси тариф нархлари ошиши режалаштирилаётгани ҳақида хабар берилганди. Қарорга кўра, аҳоли (маиший истеъмолчилар) учун электр энергияси тарифи 16 ноябрдан бошлаб 10 фоизга ошади ва 1 киловатт нархи 250 сўмни ташкил этади. 2019 йил 1 июндан бошлаб эса тариф яна 12 фоизга ошиб, 280 сўмга тенг бўлади.
Изоҳ (0)