Бразилия терма жамоаси ҳимоячиси Марсело «Реал»дан кетишни хоҳламоқда, деб ёзади Tuttosport.
Бу борада Марсело «Реал» раҳбариятига мурожаат ҳам қилган. Қайд этилишича, ҳимоячиси қишда «Ювентус»га ўтишни истамоқда. Шунингдек, футболчи ўз трансферини ёзгача кутишни хоҳламаётганини таъкидлаб ўтган.
Марселонинг ўзи ҳам «Ювентус»нинг қизиқишларидан хабардор. Бу ўтиш Криштиану Роналдунинг Турин клубига трансфер қилингани билан боғлиқ.
«Қироллик клуби» президенти Флорентино Пересга эса Марселонинг бу ҳаракатлари ёқмаган, айниқса жамоа салбий натижалар кўрсатаётган бир вақтда. Аммо Перес футболчини жамоада олиб қолиш қийин бўлишини ҳам тушуниши маълум қилинган.
Изоҳ (0)