Россия президенти Владимир Путиннинг маълум қилишича, Сурияда тахминан 700 кишини гаровга олган ИШИД террорчилари ултиматумни илгари сурган, гаровдагиларни 10 тадан отиб ташлашга ваъда берган ва икки кун аввал дастлабкиларни қатл қилган. Бу ҳақда «РИА Новости» хабар берди.
Путиннинг айтишича, Евфрат дарёсининг АҚШ мудофааси остидаги қисмида нима бўлаётганини ҳеч ким билмайди, у ердаги бир нечта аҳоли пунктида ҳали ҳам ИШИД кучлари мавжуд.
Шунингдек, президентининг қўшимча қилишича, сўнгги пайтларда террорчилар у ердаги таъсир ҳудудини кенгайтиришни бошлаган, 130 та оилани — қарийб 700 киши гаровга олган.
Изоҳ (0)