Украинанинг Херсон вилоятидаги Арабат курорт ҳудудида археологлар бронза даврига оид қўрғонда турли маданиятларга тегишли 16 та қабрни очди. Бу ҳақда «Корреспондент.net» хабар берди.
2018 йилнинг 17 сентябридан 9 октябригача давом этган Арабат археологик экспедицияси давомида Украина фанлар академиясининг Археология институти ходимлари бронза асри қўрғонида қазилма ишларини олиб борган. Дастлабки топилма биринчи кундаёқ аниқланган. У ҳарбий саркарданинг қолдиқлари бўлган.
Археологлар қўрғонда жами 16 та қабрни очган. Улардан еттитаси Ямна маданиятига, биттаси Катакомба маданиятига, яна биттаси Срубна маданиятига тааллуқли бўлган. Иккита қабр кечки Ўрта асрлар маданияти, учтаси Бабе маданияти ва яна биттаси Роксолан маданияти вакиллари томонидан қолдирилган.
Изоҳ (0)